ఖైరతాబాద్ మహాగణపతిని దర్శించుకున్నసీఎం రేవంత్రెడ్డి
హైదరాబాద్ :
దేశంలోనే అత్యంత గొప్పగా ఖైరతాబాద్ గణేశ్ నవరాత్రి ఉత్సవాలను ఉత్సవ కమిటీ నిర్వహిస్తోందని సీఎం రేవంత్రెడ్డి తెలిపారు. ఖైరతాబాద్ మహాగణపతిని దర్శించుకున్న ప్రత్యేక పూజలు చేశారు. 70 సంవత్సరాలుగా అత్యంత భక్తి శ్రద్ధలతో ఉత్సవాలను నిర్వహించడం అభినందనీయమన్నారు. గణేష్ ఉత్సవాలను ప్రతిష్టాత్మకంగా తీసుకుని ఉత్సవ కమిటీల సమస్యలను తెలుసుకుని పరిష్కారానికి ప్రభుత్వం చర్యలు చేపట్టిందని ఆయన వివరించారు. నగరంలో భక్తులు లక్షా 40వేల విగ్రహాలను ఏర్పాటు చేసి పూజిస్తున్నారని గణేష్ మండపాలకు ప్రభుత్వం ఉచిత విద్యుత్ అందించాలని నిర్ణయించిందని వివరించారు. దివంగత నేత పి.జనార్ధనరెడ్డి ఉన్నప్పటి నుంచి ఇప్పటివరకు ఖైరతాబాద్లో ఉత్సవాలు ఘనంగా నిర్వహించడం అభినందనీయమని కొనియాడారు. అప్పుడు పీసీసీ అధ్యక్షుడిగా.., ప్రస్తుతం సీఎం హోదాలో వచ్చి స్వామివారి ఆశీస్సులు తీసుకున్నానని గుర్తుచేసుకున్నారు. ప్రతీ ఏడాది ఉత్సవ కమిటీ ఉత్సవాలకు ఎప్పుడు ఆహ్వానించినా వచ్చి స్వామివారి ఆశీస్సులు తీసుకుంటానని ముఖ్యమంత్రి రేవంత్రెడ్డి తెలిపారు. 
